Siglir tar il cuntegn

Header

cuntegn

Svizra 40 tschuts engulads en il Vallais

D'in manaschi puril a Evionnaz èn enturn 40 tschuts disparids. La polizia vallesana conferma l'enguladitsch.

Il pur è da l'avis ch'ils nunenconuschents hajan engulà ils tschuts durant pliras sairas e betg cun agid d'in transporter da muvel. La polizia ha confermà in rapport da gasetta, ch'ella intercureschia il cas per chattar ils laders.

Betg l'emprim enguladitsch da nursas en il Vallais

Avant tschintg onns eran vegnidas enguladas 100 nursas da la razza rara «Saaser Mutten», quai d'ina alp en il Vallais sura. Quella ga aveva la polizia tschertgà ils animals a pe e cun helicopters. Er la polizia taliana era stada en acziun. Trais emnas pli tard avev'ins chattà sis da las nursas en l'Italia. Pli tard avevan dus possessurs da nursas talians confessà d'avair fatg l'enguladitsch.

RR novitads 14:00

Artitgels legids il pli savens