Siglir tar il cuntegn

Header

cuntegn

Svizra 4 morts tar brischament a Rupperswil AG

Quatter persunas èn mortas a Rupperswil en il chantun Argovia. En la chasa era rut ora in fieu. Sche las persunas èn mortas pervi dal fieu u l'unfrend d'in crim n'è anc betg cler. Sco quai che la polizia chantunala da l'Argovia communitgescha dettia investigaziuns intensivas.

Las 11:20 haja la polizia survegnì l'annunzia ch'ina chasa d'ina famiglia brischia a Rupperswil. Ils pumpiers èn entrads cun il schurmetg da flad en la chasa. Cun tschertgar en il fim han ils pumpiers chattà pliras persunas mortas. Il fieu è entant stizzà.

La polizia n'ha anc fatg naginas indicaziuns davart l'identitad da las unfrendas. In crim na po la polizia betg sclauder. Las investigaziuns giajan en tuttas direcziuns. En il lieu investigheschan ils spezialists da la polizia, medis giudizials e la procura publica.

RR novitads 14:00

Artitgels legids il pli savens