Siglir tar il cuntegn
cuntegn

Svizra 4,3 kilos charn da bio per chau

En las citads en Svizra è durant il 2016 vegnì consumà per persuna dapli charn da bio ch’en las regiuns ruralas. Quai resulta da l’ultim rapport da la Confederaziun davart il martgà da bio.

Charn da bio.
Legenda: Charn da bio vegn cumprada il pli savens da tegnairchasa cun entradas da 100'000 francs. Keystone

Uschia han abitants da las citads consumà 4,3 kg per persuna, abitants en regiuns ruralas 300 g pli pauc, numnadamain 4 kg.

Bio è adina pli preschent ed accessibel

Percunter l’onn avant vegnian ils consums dals differents tips da tegnairchasa dentant adina pli datiers in a l’auter, uschia il rapport. Quai sa mussa sch’ins guarda sin la creschientscha: +8,3% dapli consum en champagna, e be +0,5% en las citads.

Tenor Bio Suisse è quest trend il resultat da duas chaussas. Primo: Adina dapli producents midan lur manaschis sin bio. Secundo: Cun la pli auta producziun vegn la charn da bio er purschida en pli blers lieus.

Paja n'ha nagin'influenza

Tenor il rapport influenzeschan plirs facturs il consum da charn da bio, per exempel la furmaziun, l’ambient social ed er la purschida en las butias. Però haja la paja damain influenza sin il consum. Tegnairchasa cun entradas tranter 90 e 110’000 francs per onn cumpran la blera charn da bio. E: Tant giuvens (sut 34 onns) sco er pli vegls (sur 65 onns) consumeschan en general damain charn.

RR novitads 16:00