Siglir tar il cuntegn
cuntegn

Svizra 350 persunas han duvrà la Rega tranter Nadal e firà da Bumaun

La Rega ha gidà radund 350 persunas tranter Nadal ed ils 2 da schaner. Sco quai che la Rega communitgescha, betg mo pervi dad accidents sin pista.

helicopter da la rega avant culissa muntagnarda
Legenda: Entant ch'il december aveva cumenzà quiet per la Rega, ha quai midà tranter Nadal e Bumaun. mad

Il pli bler saja la Rega vegnida clamada pervi dad accidents da sportists da naiv, ha communitgà l'aviatica da salavament. Dasperas però era per transportar en l'ospital persunas malsaunas e per evacuaziuns.

Duas giadas è la Rega vegnid'alarmada pervia d'incendis. Ina giada per evacuar 20 persunas en consequenza da l'incendi da guaud en la Leventina, e la segunda giada per sgular en l'ospital 3 persunas blessadas suenter ch'in fieu era rut ora en il Posthotel Holiday Villa ad Arosa.

jet che persunal da la rega porta aint in pazient sin ina bara
Legenda: Ils 3 jets d'ambulanza da la Rega han repatrià 20 persunas. mad

Ultra quai hajan ils jets d'ambulanza da la Rega gì da sgular enavos en Svizra 20 pazients. Quai da la Tailanda, l'India e da l'Europa dal sid.

RR novitads 17:00