Siglir tar il cuntegn

Svizra 350 milliuns francs supplementars per ils fatgs d'asil

Il parlament federal ha concedì per l'onn actual credits supplementars en l'autezza totala da 397 milliuns francs. Sulet 350 milliuns francs da quai vegnan duvrads per ils fatgs d’asil.

trais requirents d'asil sesan avant la chasa, vista tras la fanestra
Legenda: 350 dals 397 milliuns francs van en la sparta d'asil. Keystone

Da 22 credits supplementars ch'il Cussegl federal ha suttamess al parlament pertutgan radund 90% u 350 milliuns francs la sparta d'asil. Il motiv principal è l'aut dumber da dumondas d'asil.

Cura ch'il Cussegl federal ha ellavurà il preventiv 2016 ha el quintà cun 26'000 dumondas d'asil. En vista al pli aut dumber da dumondas d'asil e da la quota da protecziun pli auta da 53,1% s'augmentan ils custs quest onn. Per l'agid social dovri supplementarmain 267 milliuns francs ed 83 milliuns francs per l'alloschament.

Il medem mument ha la Chombra pitschna approvà il quint per il 2015. Quel serra cun in surpli da radund 2,3 milliardas francs, budgetà era in surpli da radund 400'000 francs. Malgrà quest bun resultat avertescha il parsura dal departament da finanzas Ueli Maurer che las perspectivas dals proxims onns sajan main positivas.

RR novitads 12:00