Siglir tar il cuntegn

Header

audio
Mezdi: Cussegl federal vul vegnir encunter als concerns d’electricitad
Or da Actualitad dals 22.06.2017.
laschar ir. Durada: 01:14 minutas.
cuntegn

Svizra 35 milliuns damain tschains d'aua per il Grischun

Il Cussegl federal vul sbassar ils tschains d'aua. Da l'onn 2020 enfin 2022 duain ils tschains d’aua vegnir sbassads da 110 sin 80 francs. Suenter duain ils tschains vegnir calculads tenor in model flexibel.

Il Cussegl federal vul vegnir encunter als concerns d’electricitad cun ils tschains d’aua, quai cun la finamira da stgargiar las ovras idraulicas. Oz pajan ils concerns d’electricitad als territoris da muntogna per la forza idraulica tschains d'aua maximals da 110 francs per kilowat prestaziun. Quai import duai vegnir reducì ils onns 2020 fin 2022 sin 80 francs.

Cun quai sa reducissan las entradas dals chantuns e da las vischnancas cun ovras idraulicas per radund 150 milliuns francs ad onn. Uschia survegnissan ils chantuns da muntogna anc 400 milliuns empè dad 550 milliuns. Per il chantun Grischun muntassan quai 35 milliuns damain tschains d'aua.

Davent dal 2023 duai lura dar in model flexibel. La regulaziun actuala scada la fin dal 2019.

Ils tschains d'aua tenor vischnanca e forza da finanzas

RR novitads 11.00

Artitgels legids il pli savens

Scrollar a sanestra Scrollar a dretga