30 vischnancas svizras svaneschan il 2015

Cun la fin da l'onn datti en Svizra 30 vischnancas pli pauc, numnadamain stgars 2’300. Quai è in 5avel damain che l'onn 2000.

Er Savognin è part da la nova vischnanca Surses.

Legenda da maletgs: Er Savognin è part da la nova vischnanca Surses. RTR, F. Belotti

L’onn 2000 deva quai anc 2’294 vischnancas en Svizra. Sin Bumaun han 44 vischnancas fusiunà a 14 communas pli grondas. Quai resorta dal register uffizial da l'Uffizi federal per statistica.

4 novas vischnancas grondas en Grischun

En il chantun Grischun datti 4 novas vischnancas grondas or da 15. Questas èn

  • Claustra-Serneus
  • Luzein
  • Sursaissa Mundaun
  • Surses

Uschia ha il chantun Grischun a partir dal proxim onn anc 114 vischnancas.

Fusiun en l'entira Svizra

Bleras fusiuns da vischnancas hai plinavant dà en il chantun da Friburg. Là fusiuneschan 18 vischnancas a 5 communas.

Il 2014 era il dumber da vischnancas sa reducì per 28, il 2013 per 56. Avant 150 onns aveva la Svizra anc prest 1’000 vischnancas dapli.

RR novitads 15:00