Siglir tar il cuntegn

Header

cuntegn

Svizra 30'000 persunas festiveschan il nov tunnel dal Gottard

Grond interess per il nov tunnel da basa dal Gottard: Dieschmillis persunas han explorà la construcziun dal tschientaner. La mesadad dals visitaders è charrada tras il nov edifizi sutterran.

La mesemna passada è vegnì inaugurà il nov tunnel dal Gottard, cun schefs da stadi, politichers e giasts envidads. La fin d'emna lura ha era la populaziun svizra festivà il tunnel da basa.

Fin 100'000 visitaders

Il nov tunnel da basa dal Gottard frunta sin grond interess da la populaziun svizra. Pliras milli persunas nizzegian la chaschun d'explorar la construcziun dal tschientaner.

Viadis tras tunnel èn magnet dal public

En ils chantuns Uri e Tessin è la gronda festa populara al Gottard stada. Spezialmain grond è stà l'interess per ils viadis tras il nov tunnel da basa.

La sonda è passà gia avant las 09:00 l'emprim tren a Rynächt, Uri e suenter las 10:00 l'emprim tren en direcziun dal nord davent da Pollegio. Ils trens da shuttle èn cursads en in tact da 20 minutas tranter Rynächt UR e Pollegio TI. In viadi ha cuzzà 30 minutas. Il viadi enavos è lura succedida mintgamai sur la ruta muntagnarda dal Gottard.

RR novitads 09:00 / 15:00

Artitgels legids il pli savens