Siglir tar il cuntegn

Header

cuntegn

Svizra 3 persunas salvadas ord lavina en il Vallais

En il Vallais èn vegnidas trais persunas en ina lavina a Saint-Luc en la Val d'Anniviers. Entant èn tut las trais persunas salvadas, duas dad ellas èn blessadas, rapporta RTS.ch.

Enturn las 12:30 saja la lavina partida sur Saint-Luc en la Val d'Anniviers (VS), ed haja tschiffà ils trais viandants sin lur tura. In da quests haja pudì sa deliberar sez e clamar agid. Tschellas duas persunas han pudì vegnir salvadas, rapporta Radio Télévision Suisse (RTS), sajan però blessadas – ina levamain, l'autra pli grev.

Tuts trais sajan actualmain en l'ospital: Ina per controlla, la segunda cun blessuras levas, la terza cun blessuras mez-grevas, ha confermà la polizia chantunala a l'agentura da novitads svizra (SDA).

Il privel da lavinas è actualmain considerabel sin stgalim trais en las alps vallesanas e grischunas.

carta da la svizra
Legenda: Il privel da lavinas è considerabel en las alps dal Vallais e dal Grischun (oransch). RTR

RR novitads 14:00

Artitgels legids il pli savens