Siglir tar il cuntegn
Inhalt

Svizra 3 morts tar lavina en il Vallais

En il territori dal Grond Son Bernard en il Valais eran 5 persunas vegnidas en ina lavina. Tut las persunas èn vegnidas chattadas e sguladas en l'ospital. Entant ha la polizia chantunala vallesana confermà che 3 persunas sajan mortas.

Gidanters che portan in blessà tar in helicopter.
Legenda: Ina gruppa da salvament en plaina actziun cun transportar unfrendas da la lavina. Keystone

L'emprim era vegnì communitgà che 4 persunas sajan blessadas grevamain ed 1 levamain. Entant ha in pledader da la polizia vallesana confermà a radio RTS che 3 persunas sajan mortas.

La bunura era ina gruppa da turas gartegiada en ina lavina. Las lavurs da salvament sajan stadas difficilas e per part impedidas da l'aura. Tenor l'agentura da novitads taliana ANSA sa tractia quai d'ina gruppa da turas da l'Italia.

RR novitads 18:00