Siglir tar il cuntegn

Header

cuntegn

Svizra 3 morts en in'abitaziun en l'Argovia

En in'abitaziun a Spreitenbach en l'Argovia han ins chattà in uffant ed in pèr mort. Sco la polizia chantunala da l’Argovia scriva sa tractia quai d’in crim da violenza, ina da las persunas mortas saja probabel responsabla per il delict.

A Spreitenbach en il chantun Argovia han ins chattà trais morts en in'abitaziun: in uffant da quatter onns ed in pèr maridà. La dunna da 55 e l'um da 77 onns hajan vivì en l'abitaziun, l'uffant era in parent dal pèr.

Tenor la polizia sa tracti d'in act criminal. La polizia chantunala da l'Argovia suppona ch'in dals morts saja probablamain il delinquent. Ins ha chattà in'arma en l'abitaziun. Per sclerir las circumstanzas ha la procura publica da Baden ordinà ina obducziun da las trais baras.

RR novitads 12:00

Artitgels legids il pli savens