A Spreitenbach en il chantun Argovia han ins chattà trais morts en in'abitaziun: in uffant da quatter onns ed in pèr maridà. La dunna da 55 e l'um da 77 onns hajan vivì en l'abitaziun, l'uffant era in parent dal pèr.
Tenor la polizia sa tracti d'in act criminal. La polizia chantunala da l'Argovia suppona ch'in dals morts saja probablamain il delinquent. Ins ha chattà in'arma en l'abitaziun. Per sclerir las circumstanzas ha la procura publica da Baden ordinà ina obducziun da las trais baras.
RR novitads 12:00