Siglir tar il cuntegn
Inhalt

Svizra 3% dapli vehichels motorisads sin vias en Svizra

En Svizra èn passa 37'000 vehichels motorisads vegnids mess en circulaziun l’avrigl. Cumpareglià cun l'avrigl da l’onn avant è quai in plus da passa 3%.

Autostrada.
Legenda: Cumpareglià cun l'avrigl da l’onn avant viagian dapli che 3% vehichels motorisads sin vias svizras. Keystone

En Svizra èn passa 26'000 autos da persunas vegnids immatriculads l’avrigl. Cumpareglià cun la medema perioda da l’onn avant è quai in plus da passa 2%. Quai communitgescha l’Uffizi federal da statistica.

Adina damain autos da diesel

Cunzunt sajan dapli autos da benzin vegnids immatriculads. Er il dumber d’autos d’electro saja s’augmentà. Percunter cuntinueschia il trend ch’adina damain autos da diesel vegnian immatriculads. Lez dumber saja sa reducì per passa 21%.

Datas actualas: avrigl 2017 / avrigl 2018


avrigl 2018
differenza tar 2017 (en%)
schaner fin avrigl 2018
differenza tar 2017 (en%)
Total vehichels a motor (senza mopeds)
37'3773,2129'640-2,2
Auto da persunas
26'1952,298'578-0,1
Autos per transport da persunas
7005,71'790-10,1
Autos per transport da rauba
3'0928,811'686-4,8
Vehichels agriculs
318-16,81'057–14,1
Vehichels per industria
45125,31'4134,3
Motos grondas
6'6214,315'116-11,4
Chars annex
2'2646,86'9340,4
Tractor.
Legenda: En Svizra èn vegnì vendì l’avrigl 2018 (cumpareglià cun l’onn avant) -16,5% damain vehichels agriculs. Keystone

RR novitads 10:00