Siglir tar il cuntegn
Inhalt

Svizra 3 blessads tar incendi en la citad veglia da Steckborn (TG)

A Steckborn en il chantun Turgovia hai dà in incendi. En la citad veglia han ars pliras chasas fabritgadas ensemen. Ils motivs per il fieu n'èn anc betg enconuschent. 3 persunas èn vegnidas blessadas levamain. Ils abitants da las chasas vischinas han stuì vegnir evacuadas.

plirs autos da pumpiers, davostiers bler fim, il fieu è stizzà
Legenda: 160 pumpiers èn stads en acziun ed han stizzà il fieu. mad
Pumpiers da Steckborn, Frauenfeld e Kreuzlingen èn vi da stizzar il fieu.
Legenda: Ils pumpiers da Steckborn, Frauenfeld e Kreuzlingen durant stizzar il fieu. Keystone

L'alarm era vegnì dà vers in quart da las trais oz a bunura. Dapi las 8:30 è il fieu sut controlla. Las lavurs da stizzar posteriuras duran probabel anc fin dus dis.

Las persunas ch'èn vegnidas evacuadas han il mument lur dimora en la chasa communala. Il motiv dal fieu sto anc vegnir sclerì. Il motiv dal fieu n'è anc betg enconuschent.

RR novitads 07:00