Siglir tar il cuntegn
Inhalt

Svizra 3,3% da la populaziun svizra dovra agid social

L’onn passà ha radund 273'000 persunas retratg agid social en Svizra. Quai èn 3,3% da la populaziun. Cumpareglià cun il 2015 è quai in augment da 0,1%.

Mamma cun uffant sin ina stgala.
Legenda: Il dumber da las persunas che retira agid social en Svizra è creschì levet il 2015. Keystone

Il dumber da las persunas che retira agid social è creschì sin 7600, quai resulta da las novas cifras da l’uffizi federal da statistica. Ultra da quai èn vegnids sustegnids 81'000 requirents d’asil e fugitivs.

Agid social per prest 90% da las persunas en il sectur d'asil

L’agid social vegn finanzià dals chantuns e da las vischnancas, l’agid per requirents d’asil e fugitivs da la Confederaziun. Ils resultats vegnan perquai preschentads separadamain. Il 2016 han 85,5% dals fugitivs en Svizra retratg agid social, tar ils requirents d'asil èn quai 88,4%. L’uffizi federal remartga en quest connex, ch’igl è ordvart difficil per talas persunas da chattar ina lavur ed uschia daventar finanzialmain autonomas.

Ils chantuns cun la pli auta quota d’agid social èn il Neuchâtel, Basilea citad, Genevra, Vad e Berna. Il chantun Turitg registrescha sco ultim chantun urban ina quota sut la media.

RR novitads 12:00