Siglir tar il cuntegn

Header

Navigaziun

Vista sin persunas che lavuran en in biro.
Legenda: maletg simbolic: Era n'auza la gronda part da las interpresas dumandadas betg las pajas. Keystone
cuntegn

Svizra 25% dals concerns planiseschan da stritgar plazzas

Mintga quarta interpresa svizra ch’è activa internaziunalmain planisescha uss da reducir il dumber d’emploiads, quai scriva la firma da cussegliaziun da persunal Aon Hewitt. Il motiv saja l’aboliziun dal curs minimal da l’euro.

Plinavant han 70% dals dumandads inditgà ch’els na veglian quest onn betg auzar las pajais e bun 30% da las interpresas hajan decis da sbassar l’auzament da paja planisà. Era in tema saja d’augmentar il temp da lavur emnil senza auzar la paja, scriva la firma da cussegliaziun.

La retschertga è vegnida fatga tar 52 interpresas grondas cun sedias en Svizra. Questas interpresas occupan en tut circa 6’300 emploiads.