Per l'emprima giada è vegnì organisà sin la plazza da staziun a Baden in kino per velos. Enstagl da pajar entrada han ils aspectaturs stuì dar en las pedalas per uschia generar l'electricitad per metter en funcziun il projectur da film.
Sco meglier film ha la giuria internaziunala elegì «World of tomorrow» da l'American Don Hertzfeld. En la concurrenza svizra ha «Erlkönig» da Georges Schwizgebel gudagnà ed en il rom da la concurrenza per il public giuven ha gudagnà il Spagnol Carlos Lascano cun «Lila» il premi da la giuria d'uffants.
RR novitads 22:00