Siglir tar il cuntegn
Inhalt

Svizra 24 milliuns per la populaziun muntagnarda

L’Agid svizzer per la muntogna ha sustegnì l’onn passà 513 projects cun bunamain 24 milliuns francs. Quai è pli pauc che l’onn avant. Il 2014 era anc vegnì sustegnì 631 projects cun 28 milliuns francs. Uschia communitgescha l’Agid svizzer per la muntogna.

Bittabandiera svizzer.
Legenda: Ina finamira da l'Agid svizzer per la muntogna è da salvar la cultura regiunala. Keystone

En il Grischun ha l’Agid svizzer per la muntogna sustegnì 60 projects cun 2,4 milliuns francs. Quai è quasi tuttina bler sco il 2014. Ils pli blers projects èn vegnids sustegnids en il chantun Berna. Là è vegnì sustegnì 129 projects cun 5,2 milliuns francs.

L’Agid svizzer per la muntogna vul meglierar la basa d’existenza e las cundiziuns da viver da la populaziun muntagnarda. La finamira è da salvar la cultura regiunala, da cultivar la cuntrada e da cumbatter cunter la depopulaziun en las regiuns muntagnardas. Pussibel è quest agid sulet grazia a la solidaritad da donaturas e donaturs.

RR novitads 11:00