Siglir tar il cuntegn
cuntegn

Svizra 23% dapli insolvenzas en Svizra

Durant il matg 2017 han bunamain in quart dapli fatschentas annunzià insolvenza cumpareglià cun il matg 2016. L'onn passà eran quai anc 442 fatschentas, quest onn 545. Quai è in augment da 23%. Guardà sin il dumber dal schaner fin il matg è l'augment tar 3%.

Purtret dad ordinaturs davant ina cazzola da biro.
Legenda: 23% dapli firmas han stuì annunziar insolvenza durant il matg 2017 cumpareglià cun l'onn avant. Keystone

En il Grischun han 57 firmas stuì annunziar concurs ils emprims 5 mais da l'onn. Avant in onn eran quai anc 76 firmas che han deponì la bilantscha dal schaner fin il matg. Quai resulta da las novas cifras da la firma da cussegliaziun Bisnode.

En l'entira Svizra èn ils concurs d'interpresas perencunter creschids per 3% sin prest 2'000. Sch'ins guarda sulet sin il mais matg vesa la situaziun ora pli dramatica. Cumpareglià cun il matg 2016 è il dumber da las firmas insolventas creschì per 23%.

RR novitads 11:00