220 km vias naziunalas fan anc memia bler canera

Da las mesiras ch'èn previdas per minimar la canera da las vias naziunalas n'èn anc betg realisadas tuttas. Ils proxims 140 km duain vegnir sanads aifer ils proxims 3 onns.

autostrada cun traffic

Legenda da maletgs: La Confederaziun è responsabla per sminuir la canera da las vias naziunalas. Keystone

Actualmain anc sin la glista da pendenzas tar la Confederaziun sajan 220 km vias naziunalas. Sco quai che l’uffizi federal per vias communitgescha, sajan previdas mesiras per reducir la canera sin tut questas stradas. Ils proxims 140 km vul la Confederaziun realisar enfin il 2018.

Pervi dal augment dal traffic vegnan era en futur mesiras per pli pauc canera necessarias, uschia l'uffizi per vias. Enfin il 2030 quinta l'uffizi cun expensas da 1,3 milliardas francs per avair sanà ils 1'870 kilometers da vias che la Confederaziun è responsabla per mantegnair e sanar.