Siglir tar il cuntegn

Header

cuntegn

Svizra 22 mais praschun cundiziunà per spiun svizzer

Il tribunal superiur a Frankfurt ha sentenzià il Svizzer da 54 onns ad in onn e 10 mais praschun cun temp d'emprova. Vitiers vegn ina multa e custs da process da passa 46'000 francs.

Avant il tribunal suprem a Frankfurt aveva l'accusà (54 onns) confessà, ed uschia procurà per bunas cundiziuns per ina sentenzia miaivla.

Confess ils emprims dis dal process

Confessà aveva l'anteriur policist svizzer d'avair spiunà detagls da l'organisaziun e las metodas dals investigaders da taglia tudestgs en il stadi federativ Nordrhein-Westfalen. Quests avevan repetidamain cumprà discs cumpacts cun datas da defraudaders da taglia tudestgs – e clients da bancas svizras.

Sentenzia miaivla

L'accusà è liber e po turnar en Svizra. Durant il temp d'emprova da dus onns sto el indicar al tribunal tudestg ses domicil, na sto però betg restar en Germania. La procura publica tudestga aveva pretendì en il pledoyer dus onns praschun cundiziunada ed ina multa 46'000 francs.

RR novitads 11:00

Artitgels legids il pli savens