Siglir tar il cuntegn
Inhalt

Svizra 22 francs dividenda per aczia da la Swisscom

Ils acziunaris da la Swisscom han approvà ina dividenda da 22 francs per aczia. Quai a chaschun da la radunanza generala dal concern.

Il logo da la Swisscom.
Legenda: La dividenda per in'aczia da la Swisscom resta a 22 francs. Keystone

Ils acziunaris da la Swisscom han approvà tut las propostas dal cussegl d’administraziun a chaschun da la radunanza generala dal concern da telecommunicaziun.

Plinavant han ils acziunaris dà lur consentiment ad ina dividenda sco fin ussa da 22 francs. En relaziun cun il curs da bursa actual munta quai ina rendita da radund 4,8 % per aczia.

Investiziuns en l'infrastructura da la rait

Per l’onn current quinta la Swisscom cun ins svieuta da radund 11,6 milliardas francs. Ultra da quai ha il concern da telecommunicaziun planisà investiziuns da 1,75 milliardas francs en l’infrastructura da la rait en Svizra.

RR novitads 17:00