Er sch'i ha cumenzà fitg fraid è l'onn 2017 en media stà pli chaud: Dapi il schaner è la temperatura en il nord da las alps stada per 1,6° pli auta che la media sur plirs onns. Cun quai n’è quest onn nagin onn da record - ma el è tranter ils 10 onns ils pli chauds en Svizra.
Grondas midadas en la Svizra romanda
La pli auta temperatura ha SRF Meteo mesirà l'entschatta avust en Sion en il Vallais cun 36,9°. Era la temperatura la pli bassa han els mesirà en Svizra romanda: A La Brévine en il chantun Neuchâtel hani mesirà minus 29,9°.
Pli surprendenta è dentant stada la schelira l'entschatta avrigl. Ils 20 dad avrigl ha SRF Meteo temperaturas da minus -4° en la Bassa.
Il pli sulegliv èsi stà en il Tessin. A Lugano ed a Locarno han ins dumbrà pli u main medem bleras uras da sulegl sco il 2003.
RR novitads 06:00