Il 2015 è definitiv il pli chaud onn chalendar en Svizra dapi ch'ins ha cumenzà cun registraziuns sistematicas mez dal 19avel tschientaner. Quai communitgescha SRF Meteo. Il pli grond saja il surpli da chalira stà en la Svizra sid-orientala ed en las muntognas autas.
En il nord da las Alps saja stà auters onns en blers lieus pli chaud.
Il 2015 saja bain stà il pli chaud onn chalendar; ma betg la pli chauda fasa da 365 dis en seria, accentuescha SRF Meteo. Quella saja stada dal zercladur 2006 fin il matg 2007. Lura saja stà cleramain pli chaud che l'onn chalendar 2015.
