En il cas che la refurma vegniss refusada quinta l’institut BAK Basel cun ina mancanza da passa 5 milliardas francs tar las assicuranzas socialas. In gea a la refurma segirass percunter a lunga vista ina valur agiuntada da 160 milliardas francs e radund 850’000 plazzas da lavur. Quai scrivan Economiesuisse e l’Uniun sindicala svizra.
Schanza per Svizra u gronds deficits da taglia?
Ord vista dals aderents mussa il studi per quant ch’i va. Uschia accentuescha Heinz Karrer, president da Economiesuisse, la gronda schanza per la Svizra sco lieu d’innovaziun e hightec.
Cun la refurma da taglias sin interpresas reageschan il parlament ed il Cussegl federal sin la resistenza internaziunala cunter parts dal sistem da taglia svizzer. Mesiras da substituziun duain garantir che firmas pertutgadas na midan betg lur sedia.
Cunter la lescha ha la sanestra fatg il referendum. Ella tema gronds deficits da taglia.
RR novitads 11:00