2 unfrendas d'in ulteriur delict da relaziun en il Vad

In um da 40 onns ha mazzà sia partenaria da 48 onns cun in cuntè e ha lura fatg suicidi.

logo polizia chantunala dal Vad ed auto da polizia.

Legenda da maletgs: Purtret simbolic: En il Vad è quai il segund delict da relaziun aifer 1 emna. Keystone

Sco quai che la polizia chantunala dal Vad communitgescha, è ella vegnida alarmada d'ina persuna ch'aveva chattà las baras la dumengia vers l'ina. Tenor las emprimas investigaziuns saja l'um stà il delinquent. La procura publica ha instradà ina procedura penala per sclerir las circumstanzas dal delict. Perditgas dal delict na dettia quai naginas, ha ditg in pledader da la polizia chantunala dal Vad.

Pir mardi passà aveva quai gia dà in delict sumegliont en il Vad. A Montreux aveva in um da 25 onns mazzà sia amitga cun in cuntè e la buis d'assagl, e suenter sasez.

RR novitads 20:00