Siglir tar il cuntegn
Inhalt

Svizra 2 ulteriurs dschihadists ord la Svizra èn morts

Il servetsch d'infurmaziun svizzer suppona che 15 dschihadists ord la Svizra èn fin uss vegnids per la vita en ils territoris da conflict. Quai tenor las novas cifras ch'èn vegnidas publitgadas en l'internet.

Cumbattants da la gruppaziun terroristica Stadi Islamic a Rakka, Siria.
Legenda: Cumbattants da la gruppaziun terroristica Stadi Islamic a Rakka, Siria. SRF

Il dumber dals morts è uschia creschì dapi l’october per 2 persunas sin 8 mortoris confermads. Totalmain ha il servetsch d'infurmaziun tschiffà fin uss 71 dschihadists svizzers.

Dapi l’october n’èn naginas ulteriuras persunas returnadas en Svizra. 13 persunas èn returnadas; 7 cas èn confermads. Il servetsch accentuescha ch’el collavuria cuntinuadamain cun las autoritads da la Confederaziun e dals chantuns.

RR novitads 20:00