Siglir tar il cuntegn

Svizra 2 persunas lev blessadas tar lavina en il Vallais

La polizia chantunala dal Vallais communitgescha che la lavina a Finhaut haja cuvrì 2 persunas – e betg 10 persunas sco annunzià pli baud il suentermezdi.

  • A Finhaut (VS) è ina lavina ida a val.
  • La polizia chantunala ha curregì che 2 persunas sajan pertutgadas.
  • srf.ch rapporta che las 2 persunas sajan lev blessadas sin via a l'ospital.
  • La polizia vul infurmar pli tard davart detagls.

Las persunas sajan vegnidas en la lavina sin l'autezza da 2500 meters sur mar. Tenor la polizia chantunala dal Vallais èn las unitads d'agid sin via. Sco quai che srf.ch rapporta, n'èn las 2 persunas betg en privel da vita, e sin via en l'ospital.

Polizia aveva appellà a precauziun

Avant aveva la polizia gia infurmà davart pliras lavinas ch'i haja dà sper las pistas. Questas sajan per part stadas spontanas, e per part chaschunadas da skiunzs. La polizia appellescha a la populaziun d'esser precauta. Actualmain regia en il Vallais il privel da lavinas stgalim 3 (da tschintg).

RR novitads 17:00+