Siglir tar il cuntegn

Svizra 2 novs cas da Zika en Svizra

En la segunda emna dal mais d'avust èn vegnids registrads en Svizra 2 novs cas d'infecziun cun il virus da Zika. Ina persuna pertutgada è s'infectada en la Guatemala cun il virus. Tar la segunda persuna n'èsi betg cler nua ch'ella è s'infectada.

purtret da mustgins che transporteschan il virus da Zika
Legenda: Ils mustgins che transporteschan il virus da Zika. Keystone

En tut è il dumber da cas da Zika ch'èn vegnids registrads en Svizra ussa tar 31. Quai resorta dal bulletin actual dal Uffizi federal da sanadad BAG.

Dapi ch'il virus da Zika è rut ora ha il BAG survegnì radund 250 dumondas da persunas che vulan viagiar en ina regiun pertutgada. Per persunas che vulan viagiar en talas regiuns ha l'uffizi cussegls sin sia pagina d'internet.

RR novitads 18:00