2 morts tar brischament a Sursee (LU)

Tar in brischament en ina chasa a Sursee èn morts ina dunna da 51 onns ed in um da 21 onns. Pliras persunas èn blessadas.

pumpiers en acziun avant la chasa plain fim

Legenda da maletgs: Ils pumpiers tar l'acziun gronda a Sursee (LU) glindesdi saira. Keystone/Polizia Lucerna

Tar il brischament sajan vegnidas blessadas ulteriuras almain 7 persunas, tranter questas era 3 pumpiers, communitgescha la polizia da Lucerna.

Tar ils morts sa tractia quai da 2 abitants da la chasa, uschia communitgescha la polizia. La raschun per il fieu n'è anc betg clera. Cura ch'ils pumpiers èn arrivads en il lieu han els chattà in fieu e bler fim en la part sut da la chasa cun quatter auzadas.

RR novitads 10:00