Siglir tar il cuntegn
Inhalt

Svizra 2 morts tar accidents en l’Appenzell Dadora

Gist 2 accidents mortals hai dà questa notg a Teufen en il chantun Appenzell Dadora. Curt suenter mesanotg è in giuven da 15 onns vegnì sut in tren. Il traffic sin rodaglias tranter Son Gagl e Teufen ha stuì vegnir interrut.

tavla accident
Legenda: Maletg da simbol: dus accidents en ina notg en la vischinanza da Teufen. Keystone

Enturn las 2:30 ha in automobilist da 21 onn pers la controlla sur da ses vehichel. El ha rut atras ina barriera ed è siglì sin il trassé da la viafier appenzellaisa cunter ina pitga. L'um è mort anc al lieu d'accident. La via da S. Gagl en direcziun Teufen era serrada per pliras uras.

RR novitads 10:00