Siglir tar il cuntegn
Inhalt

Svizra 2,3 milliuns persunas èn idas tras il Gottard

Las Viafiers federalas fan bilantscha positiva dal tunnel da basa al Gottard.

Purtret da la sortida dal tunnel da basa dal Gottard.
Legenda: L'SBB è cuntenta cun il resultat dal tunnel da basa dal Gottard. Keystone

La SBB fa bilantscha positiva dal tunnel da basa dal Gottard. Ils emprims otg mais ha la SBB dumbrà 2,3 milliuns passagiers ch’èn viagiads tras il pli lung tunnel da viafier dal mund. Vitiers vegnian radund 17'000 trens da vitgira. Quai han communitgà las Viafiers federalas svizras. Il tunnel da basa è vegnì prendì en funcziun il december 2016.

L’onn 2020 suonda lura il tunnel da basa dal Ceneri. Cun quel daventa realitad la lingia da viafier a pitschna pendenza permanenta. Enfin là duai la purschida vegnir meglierada vinavant ed il potenzial da svilup en il Tessin duai vegnir nizzegià meglier, uschia la SBB.

RR novitads 12:00