Siglir tar il cuntegn
Inhalt

Svizra 2,3 milliardas per las vias naziunalas

La Confederaziun investescha quest onn 2,3 milliardas francs en la rait da vias naziunala. Da quellas derivan 1,9 milliardas francs per la prima giada dal fond per vias naziunalas e traffic d'aglomeraziun NAF ch'il pievel aveva approvà il 2016.

vista da surengiu sin autostradas
Legenda: Er quest onn investescha la Confederaziun blers daners en la rait da vias naziunala. Keystone

1,45 milliardas francs vegnian duvrads per extender e mantegnair la rait existenta communitgescha l'Uffizi federal da vias ASTRA. 175 milliuns francs èn per liquidar stretgas e 290 milliuns francs èn previs per construir novs trajects.

Ils credits aveva il parlament approvà en la sessiun d'enviern da l'onn passà.

RR novitads 17:00