Siglir tar il cuntegn

Svizra 2'000 schuldads segireschan avertura dal Gottard

Fin 2'000 schuldads vegnan en acziun tar l'avertura dal tunnel da basa dal Gottard, quai ha decis il cussegl federal. Ils schuldads sustegnan la polizia tar las festivitads l'entschatta zercladur.

3 schuldads discuteschan davart in'acziun militara.
Legenda: Ils schuldads sustegnan la polizia tar las festivitads l'entschatta zercladur. Keystone

Per segirar il spazi aviatic vegn er l’aviatica militara en acziun. A la festa d’avertura il prim da zercladur sa participeschan l'entir cussegl federal ed ils parlamentaris federals. Vitiers vegnan spetgads ils schefs da stadi e da regenza dals pajais vischins.

Forzas civilas da l'Uri e Tessin na tanschan betg

Responsablas per la segirtad èn en emprima lingia las polizias chantunalas da Uri e Tessin. Cunquai che las forzas civilas na tanschan betg han ils chantuns dumandà il sustegn da la confederaziun.

RR novitads 18:00