Pertutgadas èn cunzunt persunas cun paucs raps che na survegnan anc nagin agid social e che na pon betg spetgar sustegn statal per lur problems acuts cun ils dents. Blers prendian enstagl durant emnas medicaments cunter il mal ed engraveschian uschia lur situaziun, citescha la gasetta a Ramona Schäfer, cussegliadra sociala tar la Caritas Turitg.
Contactar dentists ch'acceptan pajament en ratas
La Caritas da Turitg cusseglia perquai als pertutgads da contactar dentists ch'acceptan in pajament en ratas e che porschan ina tariffa sociala pli bassa. Problems da dents betg tractads pon causar betg be custs supplementars ma er problems socials.
Dents cultivads augmentian las schanzas da chattar lavur marcantamain, di Ramona Schäfer.
RR novitads 10:00