Svizra - 18,27 francs l'ura per emploiads en il sectur da posta
Ils emploiads en il sectur da posta en Svizra survegnan en futur ina paja minimala da 18,27 francs l'ura. Quai ha communitgà l'autoritad da surveglianza PostCom.
Ils sindicats avevan pretendì 20 francs per ura e syndicom discurra d’ina discriminaziun da paja legitimada.
La paja minimala vala per tut ils emploiads en il sectur da distribuziun da posta. Sco che la PostCom scriva, hajan mo paucs emploiads en quest sectur betg in contract collectiv da lavur. Ils standards actuals duajan surtut proteger ch’i na dettia nagin dumping da paja.
