Siglir tar il cuntegn
cuntegn

Svizra 162 milliardas per prestaziuns socialas

En Svizra èsi per la prima giada vegnì impundì dapli che 160 milliardas francs per prestaziuns socialas. Quai correspunda ad in quart dal product naziunal brut.

Purtret da cartas d'assicuranzas.
Legenda: In quart dal product naziunal brut vegn impundì en prestaziuns socialas. Keystone

Il 2015 èn las prestaziuns socialas creschidas per 4,2% sin 162 milliardas francs, quai communitgescha l'uffizi federal per statistica. Quai è in quart dal product naziunal brut. En media è la summa da las prestaziuns socialas creschida ils onns avant adina per 3,3%. La raschun principala per l'augment sajan la vegliadetgna e la sanadad, ils dus puncts da custs ils pli auts.

Il 1990 muntavan las expensas anc a 72 milliardas francs, u a 15% dal product naziunal brut. Dapi il 2004 è la quota da las prestaziuns socialas tar tranter 22% enfin 24% dal product naziunal brut.

Dus terzs da las radund 206 milliardas entradas da la segirezza sociala vegnan finanziads entras contribuziuns d'assicuranzas socialas. Quella cumpart è gronda, cumpareglià cun l'UE (54%). En Svizra surpiglian ils assicurads e persunas protegidas 36%, ils patruns da lavur 30%. Il rest sa cumpona da contribuziuns dal stadi (24%) ed ulteriuras entradas (10%).

RR novitads 15:00