Siglir tar il cuntegn

Header

cuntegn

Svizra 13 milliardas per infrastructura da viafier

Ils onns 2017 fin 2020 duain vegnir impundidas radund 13,2 milliardas francs per l'infrastructura da viafier, bun 2,4 milliardas dapli che per la perioda actuala. Quai ha decis il Cussegl dals chantuns.

Cun ils daners or dal nov fond d’infrastructura da viafier (BIF) vegnan cuvrids ils custs per il manaschi ed il mantegniment. Vitiers vegnan entradas dals pretschs da trassé che vegnan medemamain auzads.

audio
Bunura: Finanziaziun infrastructura viafier
ord Actualitad dals 20.09.2016.
laschar ir. Durada: 1 minuta 56 Secundas.

Dapli e pli grevs trens, pli lunga rait chaschunan custs

Las interpresas da viafier dovran ils daners supplementars per pudair mantegnair l’infrastructura da viafier che vegn adina duvrada pli fitg. Adina pli blers e pli grevs trens circuleschan sin ils trajects da viafier.

Uschia vegnia er pli curta la durada da vita dals indrizs, ha ditg il cusseglier dals chantuns e president dal cussegl d’administraziun da la Viafier retica.

7,6 milliardas per Viafiers federalas

Er la rait daventia adina pli lunga, uschia la ministra da traffic Doris Leuthard. Plinavant na sajan intgins indrizs betg pli duvraivels perquai ch’els na resguardian betg persunas cun impediments. «Quai sa mussa en ils custs».

La gronda part da la petta (7,6 milliardas francs) va a las Viafiers federalas. La Viafier retica survegn 860 milliuns francs.

La fatschenta sto sco proxim anc vegnir tractada dal Cussegl naziunal.

RR novitads 17:00

Artitgels legids il pli savens