Siglir tar il cuntegn

Header

Navigaziun

Il chau d'ina vatga.
Legenda: Il plan da l'iniziativa: promover furmas da producziun particularmain natiralas cun stimuls economicamain rentabels. Keystone
cuntegn

Svizra 120'000 suttascripziuns per iniziativa da vatgas cun corna

Il project per promover furmas da producziun natiralas e dapli subvenziuns per ils purs fa in pass enavant: L'uschenumnada iniziativa da vatgas cun corna vegn probabel avant il pievel.

L'iniziativa è vegnida inoltrada a la Chanzlia federala cun 120’859 suttascripziuns.

Cun quest postulat duain cunzunt furmas da producziun natiralas vegnir promovidas e purs duain survegnir dapli subvenziuns sch'els laschan a lur vatgas, taurs, chauras e bucs lur corna.

Legenda: Guardar il video In pur s’engascha per la corna da las vatgas. Durada 03:56 minutas.
Or da Telesguard dals 17.03.2015.

En Svizra èn entant quasi 3/4 da las vatgas da latg senza corna. Quai proceder duai reducir il privel d'accidents, ma er per spargnar plaz en stalla.

L’iniziativa da vatgas cun corna era vegnida lantschada ils 28 da settember 2014.

RR novitads 17:00