Siglir tar il cuntegn
cuntegn

Svizra 111 uras è il Cussegl federal sesì ensemen

Quest onn è il Cussegl federal sa radunà a 43 sesidas. Ed en tut han questas sesidas durà 111 uras, uschia è ina sesida stada en media duas uras e mesa lunga.

Il Cussegl federal sin ses viadi tradiziunal
Legenda: Sch’il viadi tradiziunal da l’entir Cussegl federal vala sco sesida, fiss anc da sclerir. Keystone

Fatschentas ha il Cussegl federal tractà l'onn 2016 bunamain 2'597. Quai ha scrit il pledader dal Cussegl federal André Simonazzi sin Twitter. I sa tracta tranter auter da 76 messadis e rapports, e da 1’158 dumondas or dal parlament.

Il 2015 aveva il Cussegl federal anc tractà 12 fatschentas dapli che quest onn. Quai era stà il dumber il pli aut dals davos diesch onns. Dapi il 2005 è il dumber da fatschentas dal Cussegl federal creschì considerablamain. Lez onn aveva el anc giu da sa fatschentar cun in quart damain fatschentas.

RR novitads 21:00