Siglir tar il cuntegn
cuntegn

Svizra 1000 immobiglias èn pertutgadas da radium

En fin 1000 anteriurs ateliers d'uras en Svizra èn eventualmain vegnì lavurà cun radium contaminà. A quella conclusiun vegn in studi da l'universitad da Berna, fatga sin incumbensa da l'Uffizi federal da sanadad publica.

Mauns vid lavurar vid ina ura.
Legenda: Cunzunt en ateliers dad uras èsi savens vegnì lavurà cun materials radioactivs. Keystone

Sin incumbensa da l'Uffizi federal da sanadad publica ha tschertgà bajetgs contaminads. Cun colurs luminusas da radium era vegnì lavurà en l'industria d'uras fin en ils onns 1960. Cunquai è cunzunt l'artg dal Giura pertutgà. Radium radioactiv è dentant era vegnì duvrà per instruments militars u en la medischina.

Radium 2015-2019 – plan d'acziun federal

Personen-Box aufklappenPersonen-Box zuklappen

Tar lavurs vid la A5 a Bienna han ins chattà il 2014 rument contaminà cun radium. Sinaquai ha il Cussegl federal lantschà in plan d'acziun «Radium 2015-2019». La finamira da quest project è tranter auter da chattar bajetgs contaminads e da s'occupar da deponias veglias.

Neuschatel, Berna e Soloturn

Tenor il rapport da l'Uffizi federal da sanadad publica èsi vegnì duvrà radium en 700 bajetgs. En ulteriurs 300 bajetgs han ins probablamain lavurà cun radium. Dals 1000 bajetgs sa chattan 342 en il chantun Neuschatel, 289 en il chantun Berna e 155 en il chantun Soloturn. Ils ulteriurs 13 bajetgs èn en differents chantuns.

Controllar sistematicamain

Nua ch'ins è segir ch'igl è vegnì lavurà cun radium, datti controllas sistematicas. Suenter 400 controllas fin uss, saja sa mussà, ch'ins stoppia sanar 80 bajetgs.

RR novitads 12:00