Siglir tar il cuntegn

Header

cuntegn

Svizra 100 milliuns per staziun da vitgira a Bellinzona

La SBB investescha 100 milliuns francs per la staziun da vitgira a Bellinzona. Uschia duai esser garantì da pudair tegnair en er en l'avegnir l'urari.

Il plazzal da la staziun da vitgira s’extenda sin var dus kilometers. Las lavurs cumpiglian la prolungaziun dal binari da surpassar per il traffic da rauba sin 750 meters, la renovaziun dal vial sco era la construcziun da binaris morts. Las lavurs vegnan probabel a durar fin il mars 2020 e custar var 100 milliuns francs .

Sco quai che las Viasfiers federalas communitgeschan haja il project ina gronda muntada per il traffic da vitgira sin l'axa nord-sid. Suenter l'avertura dal tunnel da basa dal Gottard e dal Monte Ceneri saja da quintar davent il 2020 cun bler dapli traffic da viafier, tant il traffic da vitgira sco er il traffic da persunas.

RR actualitad 17:00

Artitgels legids il pli savens