Siglir tar il cuntegn

Header

cuntegn

100 francs 200 chastis per persunas senza formular d'entrar en Svizra

Stgars 200 chastis a 100 francs han persunas ch'èn turnadas da las vacanzas gia stuì pajar. Raschun è ch'els u ellas n'han betg emplenì il formular da la Confederaziun d'entrar en Svizara.

Dapi che la nova regla è vegnida introducida ils 20 da settember, èn gia passa 900'000 tals formulars da l'Uffizi federal da sanadad vegnids en acziun. Introducì il formular ha la regenza, per evitar ch'i dettia suenter las vacanzas d'atun puspè dapli infecziuns da Covid-19. Suenter las vacanzas da stad era il dumber numnadamain creschì andetgamain.

Il formular ston tuts emplenir, i n'emporta betg sch'ins è vaccinà, guarì u testà. Quai per ch'ils chantuns hajan la pussaivladad da controllar sche quels ch'han da far in segund test, fan er propi quel. Exceptà da quella regla èn cunfinaris e cunfinarias, persunas en transit che na fan betg in stop en Svizra, persunas che transporteschan rauba u persunas professiunalmain ed uffants sut 16 onns.

audio
Per tadlar: Las novitads da las 14:00
02:49 min, RTR Audio dals 10.10.2021.
laschar ir. Durada: 02:49 minutas.

RTR novitads 12:00

Artitgels legids il pli savens

Scrollar a sanestra Scrollar a dretga