Siglir tar il cuntegn
Inhalt

Svizra 100'000 francs per la polizia chantunala e per la procura publica

La remuneraziun da per schliar il murdraretsch da Rupperswil va als collavuraturs da la Polizia chantunala e da la procura publica dal chantun Argovia.

palperi cun si l'appel per infurmaziuns e la summa da remuneraziun per schliar il murdraretsch
Legenda: Il chantun Argovia aveva scrit ora ina remuneraziun da 100'000 francs per schliar il murdraresch. Keystone

Quai ha il directur da giustia e polizia dal chantun Argovia ditg a la revista Schweizer Illustrierte. La regenza haja decis da pajar als collavuraturs e las collavuraturas sco renconuschientscha per la lavur prestada maximalmain la summa da la remuneraziun che n'è betg vegnida pajada ora. Sch'ils 100'000 francs sa tschentan en la cassa da team ubain vegnan repartids sin ils singuls collavuraturs e collavuraturas na saja anc betg decis.

La gievgia passada aveva la polizia arrestà l'autur probabel dal murdraretsch ad Arau. L'um da 33 onns ha confessà d'avair mazzà las 4 persunas avant 5 mais. Quai per motivs finanzials e sexuals.

RR novitads 20:00