Siglir tar il cuntegn

Header

Navigaziun

Ina gervosa ed ina cigaretta.
Legenda: La fin d'emna baivan Svizras e Svizzers dubel uschè bler sco durant l'emna. Keystone
cuntegn

Svizra 10% dals Svizzers baivan mintga di alcohol

La toxicomania dals Svizzers e da las Svizras n'è betg sa midada l'onn passà. En Svizra fima anc adina mintga quarta persuna, mintga 5avla baiva memia bler alcohol e bunamain 7% ha almain chiffà ina giada.

Quai mussa il nov monitur da l'Uffizi federal per la sanadad. Per il studi èn vegnidas dumandadas 11’000 persunas davart lur cumportament da dependenzas.

1/5 dals Tessinais baivan mintga di alcohol

87,5% da la populaziun svizra ha consumà alcohol durant l’onn 2014. En Svizra tudestga baivan 8,2% da las persunas mintga di alcohol, en Svizra franzosa 14,7% ed en Svizra taliana 20,8%.

Excess d’alcohol creschan

Il dumber da las persunas che baiva excessivamain crescha cuntinuadamain. La cumpart dals Svizzers che baiva cronicamain è restada stabila cun 4,2%. Per ina dunna munta quai en media passa 2 magiels biera u vin per di, per in um passa 4 magiels.

RR novitads 12:00