Siglir tar il cuntegn
Inhalt

Svizra 1 franc donaziun custa las ovras d’agid 21 raps

Organisaziuns d'agid svizras cun il sigil da qualitad Zewo impundan en media 21,2 raps per survegnir 1 franc. Quai mussa in studi da l’organisaziun Zewo.

Placat cun inscripziun Spenden
Legenda: Ovras mediocras dovran dapli daners per survegnir 1 franc daners da donaziun. Keystone

Las differenzas tranter las ovras èn grondas. In quart da las ovras d’agid han duvrà l'onn 2013 sin il pli 5 raps per recaltgar 1 franc. Da l'autra vart dovran 25 ovras d'agid 50 raps u dapli per survegnir dals donaturs 1 franc. Ils nums da las ovras na cumparan betg en il studi.

La professiunalitad custa

Quant effizient ch’ina ovra rimna daners dependia da sia professiunalitad. Ovras d’agid cun in fundraising professiunalisà, in marketing spezialisà per survegnir daners, dovrian en media dapli daners per rimnar in franc. Plinavant mussa il studi dal Biro central da las ovras da beneficenza Zewo, che ovras mediocras han pli auts custs per rimnar daners che ovras pitschnas u grondas.

RR novitads 14:00