Siglir tar il cuntegn
cuntegn

Svizra 1. avust: Carla del Ponte tegn il pled sin il Rütli

Il pled per l'emprim d'avust sin il Rütli tegn quest onn l'anteriura procuratura publica generala, Carla del Ponte. Igl è l'emprima giada ch'ina persunalitad da la Svizra taliana ha questa honur. Quai ha communitgà la Societad svizra d'utilitad publica SGG.

purtret da Carla del Ponte
Legenda: Carla del Ponte, l'anteriura procuratura publica federala. Keystone

Carla del Ponte è stada dal 1994 fin 98 procuratura publica. Silsuenter è ella stada schefaccusadra da la curt penala internaziunala a Den Haag per ils crims da guerran en l'anteriura Jugoslavia e per il genocid en la Ruanda. Dal 2008 fin 2011 è Del Ponte stada ambassadura svizra en l'Argentina.

Quest onn organisescha la SGG la festa da l'emprim d'avust sin il Rütli ensemen cun la Crusch Cotschna Svizra. Lezza po festivar quest onn ses giubileum da 150 onns.

RR novitads 12:00