Siglir tar il cuntegn
Inhalt

Svizra 1,8 milliardas francs per impedir in collaps da traffic

1,8 milliardas dapli che budgetà per las vias naziunalas ed il traffic d'agglomeraziun, quai vul il Cussegl federal, sco el ha communitgà suenter la consultaziun.

vista sin ils quatter vials d'ina autostrada svizra
Legenda: Las vias naziunalas duain survegnir dapli daners. Keystone

Cuntegnids en questa summa èn credits per projects pli gronds (p.ex. Crissier VD, Bypass Lucerna sco er il sviament Le Locle NE) sco er las expensas per manaschi, mantegniment ed adattaziuns vid la rait da vias naziunalas ils onns 2020 fin il 2023. Perquai che adina dapli umans èn sin via dovria pli grondas capacitads, ha ditg la cussegliera federala Doris Leuthard. L'Uffizi federal da vias ASTRA prioriseschia ils giavischs da las differentas regiuns tenor il credo: Levgià là nua ch'ils pli blers umans èn pertutgads.

La sballunada tragica da la punt a Genua ha mussà, quant impurtant ch'igl è d'avair quità da l'infrastructura da traffic e da prender mesiras per mantegnair la substanza.
Autur: Doris Leuthardministra da traffic

A decider definitiv vegn il parlament. Las investiziuns duain vegnir finanziadas entras il fond da vias naziunalas e d'agglomeraziun. In augment dal pretsch da carburant n'è betg previs fin il 2025.

RR novitads 17:00