Siglir tar il cuntegn

Svizra 1'213 recruts crodan tras examen da segirezza

L'onn passà èn radund 1'213 persunas crudadas tras l'examen per la controlla da segirezza da l'armada. Questas valan sco ristga da segirezza ed èn sclaussas dal servetsch militar.

recruts en mondura e cun buis
Legenda: Dapi il 2011 fa l'armada ils tests per evitar che persunas cun potenzial da violenza vegnian scolads e survegnian ina arma persunala. Keystone

Il pledader da l'armada, Christoph Brunner, ha confermà in tal rapport da la gasetta «Schweiz am Sonntag». Il 2013 eran anc 965 recruts crudads tras l'examen.

Persunas cun potenzial da violenza na duain betg survegnir ina arma

Tar quest examen valitescha l'armada il potenzial da violenza da las persunas che fan la mustra. Uschia vul l'armada garantir che persunas periclitadas na vegnian betg scoladas en il militar, e n'han era betg a chasa in'arma.

Impuls per quests examens dals recruts è stà il delict d'in schuldà a Turitg-Höngg. Lez aveva sajettà giu ina dunnas da 16 onns ad ina fermada dal bus; quai cun sia buis d'assagl. Il 2011 ha l'armada lura introducì l'examen.

RR novitads 16:00