Siglir tar il cuntegn
cuntegn

Svizra 0,2% dapli svieuta per il commerci en detagl

La svieuta en il commerzi en detagl svizzer è s'augmentada il november passà nominal per 0,2% cumpareglià cun la medema perioda da l'onn avant. Igl è l'emprim augment dapi il december dal 2014. Quai demussan las cifras provisoricas da l'uffizi federal per statistica.

Purtret d'in chanaster da cumprar en cun en mangiativas.
Legenda: Era tar las mangiativas hai dà in augment en la svieuta. Keystone

La svieuta reala purifitgada – che cumpiglia la chareschia – è schizunt creschida per 0,9%. Cumpareglià cun il mais d'october è la svieuta reala purifitgada s'augmentada per 0,7%.

Il commerzi en detagl cun mangiativas, bavrondas e tubacs ha il november augmentà sia svieuta per 0,3% cumpareglià cun la medema perioda en il 2015.

RR novitads 10:00