Siglir tar il cuntegn
cuntegn

serias 2016 Bancas pitschnas han dapli success che quintà

En la discussiun actuala davart respargns da scala ed avantatgs da grondezza hai adina puspè num che bancas pitschnas hajan be pitschnas schanzas al martgà. In studi da la Scol’auta da Lucerna mussa in auter maletg: Bancas svizras fitg pitschnas han tenor quel dapli success che supponì.

La Banca Chantunala Grischuna a Cuira.
Legenda: Per il nair da l'ungla sper il podest sa tschenta tenor il studi la Banca Chantunala Grischuna. Keystone

Bancas pitschnas han dapli success che quai ch'i vegniva fatg quint fin ussa. Quai mussa in studi da la Scol'auta da Lucerna. La scol’auta ha eruì las 15 bancas svizras cun la meglra performance. En questa rangaziun sa chatta la Banca Chantunala Grischuna sin plazza 4 e manchenta uschia gist il podest.

Il podest

  1. Banca EEK (BE)
  2. Cassa da spargn Affoltern im Emmental (BE)
  3. Banca chantunala Sviz (SZ)

Bancas cun radund 10 collavuraturs ed ina summa da bilantscha da main che 400 milliuns francs possian preschentar cifras fitg bunas ed equilibradas, uschia ils auturs dal studi.

Cun bancas chantunalas sco la grischuna ch'han ina summa da bilantscha da tranter 16 e 43 milliardas èn però er represchentadas bancas mesaunas fin grondas.

RR novitads 12:00

Il studi

Il studi ha prendì sut la marella 91 bancas en Svizra per clients privats:

  • 24 bancas chantunalas
  • 59 cassas da spargn e bancas regiunalas
  • La gruppa Raiffeisen
  • 7 ulteriuras bancas

Las bancas grondas n’èn betg vegnidas resguardadas.